सरकारले चीनलाई उपहारमा दिने गैंडा समात्न सुरू भएको छ । शनिबार चितवन निकुञ्जको पश्चिम क्षेत्र देविताल खारिया मुहान क्षेत्रमा एउटा भाले बच्चा गैंडा नियन्त्रणमा लिएको चितवन निकुञ्जका सूचना अधिकारी नुरेन्द्र अर्यालले जानकारी दिनुभयो ।
चितवनबाट दुई जोडी गैंडा समातेर चीन पठाउने सरकारको योजना छ । ठूलो गैंडा लैजान उपयुक्त नभएका कारण बच्चा समातेर लैजाने तयारी छ । एउटा सानो भाले गैंडा पहिल्यै सौराहा क्षेत्रमा रहेका कारण अब दुई वटा पोथी बच्चा गैंडा समातिने अर्यालले बताउनुभयो । बच्चा गैंडालाई नयाँ वातावरणमा घुलमिल गराउन सौराहामा खोर जस्तो खाल्डो (बुमा) मा राखिने छ । नयाँ वातावरणमा घुलमिल हुन समय लाग्ने भएका कारण अहिले समाएका गैंडा असारमा मात्रै चीन पठाउन सम्भव हुने सूचना अधिकारी अर्यालले बताउनुभयो ।
No comments:
Post a Comment