Jul 14, 2017

अवैध रुपमा कार, मोटरसाइकलको कारोबार गर्ने दुई जनालाई पक्राउ




जिल्ला प्रहरी कार्यालय कञ्चनपुरले भारतबाट चोरी गरेर नेपाल ल्याएका कार र मोटरसाईकल दर्ता गराइ सञ्चालनमा रहेका सवारी साधन सार्वजनिक गरेको छ । जिल्ला प्रहरी कार्यालय कञ्चनपुरले विभिन्न समयमा अवैधरुपमा गैरकानुनी ढंगले सञ्चालनमा रहेका कार मोटरसाईकल बरामद गरि सार्वजनिक गरेको हो ।

कञ्चनपुरका प्रहरी प्रमुख प्रकाशबहादुर चन्दले सरकारी कागजात किर्ते गरेर अवैध रुपमा कार मोटरसाइकलको कारोबार गर्ने दुई जनालाई पक्राउ गरेको बताए । उनका अनुसार पक्राउ पर्नेमा कञ्चनपुरको भीमदत्त नगरपालिका–४ का हिमाल जोशी र कैलाली भजनी–३ का गोकुल श्रेष्ठ छन् ।

उनीहरुको साथबाट एक लाख रुपैयाँ नगद, काठमाडौँ बैंकको १५ लाखको चेक, दुई थान ल्याप्टप, एक थान सुनको सिक्री, ९ वटा मोटरसाइक, एक वटा कार र दुई वटा खाली पासबुक, चाक्कु एक थान, कालो रङको झोलामा तीन थान चेकबुक, सरिका मल्टि टेर्डसको बिल बरामत गरेको प्रहरीले जानकारी दिएको छ । जोशी र श्रेष्ठलाई पक्राउ गरेपछि सेती र महाकाली यातायात व्यवस्था कार्यालयमा दर्ता भएर सवारी साधन बिक्रि वितरण भएको रहस्य खुलेको छ । बरामद गरिएका ८ कार मध्ये ६ कार दर्ता गरिएका छन् । भने, दुई वटा दर्ता प्रकृयामा छन् ।

यस्तै धौलागिरी यातायात कार्यालयबाट २२ मोटरसाइकल समेत बरामद गरिएका छ । जिल्ला प्रहरी कार्यालय कञ्चनपुरका प्रहरी प्रवक्ता भीम बहादुर दाहालले धौलागिरी यातायात कार्यालयमा दर्ता हुँदा घटनाको रहस्य खुलेको बताए । तस्करले घटना वाहिरिने डरले सवारी साधन दर्ता प्रकृया अञ्चलिकरण गरेको उनले बताए । अञ्चल यातायातका कर्मचारीसँगको मिलोमतोमा अवैध चोरीका सवारी साधन दर्ता गराएर राजस्व छलेको समेत कञ्चनपुर प्रहरीले प्रारम्भिक अनुसन्धानबाट खुलेको छ ।
महिला हिंसा र हत्याका पछिल्ला शृंखलाहरु

महिला हिंसा र हत्याका पछिल्ला शृंखलाहरु

 


केही दिनयता मुलुकका विभिन्न भागमा महिला हिंसा र हत्याका घटना बढिरहेकाप्रति सभामुख ओनसरी घर्तीले संसद्को गम्भीर ध्यानाकर्षण भएको बताएकी छन् । संसद्को बिहीबारको बैठकमा सभामुखले त्यस्ता घटनामा संलग्न दोषीलाई कारबाही गर्न निर्देशन दिएकी छन् ।

महिला हिंसा र हत्याका पछिल्ला शृंखलाहरु
  • सोमबार कोहलपुर–४ बेलनपुरका अहमद अफतान बेरुवाले श्रीमती फुलटन बेरुवाको घाँटी रेटेर हत्या गरे । करिब ६ महिनाकी छोरीलाई मृतक आमाकै छेउमा छोडेर उनी श्रीमतीको टाउको लिएर प्रहरीसमक्ष आत्मसमर्पण गर्न पुगे ।
  • आइतबार दैलेखको चामुण्डा बिन्द्रासैनी नगरपालिका–६ मा छाउगोठमा सुतेकी २२ वर्षीया शान्ता शाहीको सर्पले डसेर मृत्यु भयो ।
  • रुकुमको पुथाउत्तरगंगा गाउँपालिका–६ बाट दलित महिला सदस्यमा निर्वाचित बयानसरी कामीको तीन दिनअघि हत्या भयो । हत्याको आरोपमा श्रीमान् तेजबहादुर पक्राउ परे ।
  •  बाग्लुङको बडिगाड गाउँपालिका–२ खारापानीमा चार दिनअघि बेवारिसे अवस्थामा एक महिलाको शव भेटियो ।
  • चार दिनअघि खोटाङमा श्रीमान्को कुटाइबाट श्रीमती सख्त घाइते । 
दोषीमाथि कारबाहीको माग
रुकुम, दैलेख, बाँके, खोटाङ र बाग्लुङमा १० दिनयता महिलाको हत्या एवं हिंसा भएकामा आपत्ति जनाए । २५ असारदेखि आजसम्म देशका विभिन्न क्षेत्रमा महिला हिंसा र हत्याका डरलाग्दा घटना भइरहेका छन् ।

Jul 13, 2017

दुई बस आपसमा ठोक्किदा २० जना घाइते

दुई बस आपसमा ठोक्किदा २० जना घाइते

बर्दियाको बढैयाताल गाउँपालिका वार्ड नम्बर ३ स्थित भोलागौडी पेट्रोल पम्प नजिक विपरित दिशाबाट आइरहेको दुई बस दिउँसो आपसमा ठोक्किदा २० जना घाइते भएका छन् । नेपालगञ्जबाट गुलरिया तर्फ गैरहेको ना ६ ख ५२७६ नम्बरको बस विपरित दिशाबाट आइरहेको ना ५ ख ३६९५ नम्बरको बस एक आपसमा ठोकिँदा ४ जना गम्भीर र १६ जना सामान्य घाइते भएको जिल्ला प्रहरी कार्यालय बर्दियाका प्रहरी उपरीक्षक भरतबहादुर बोहोराले जानकारी दिनुभयो।

दुर्घनामा बर्दिया ठाकुरबाबा नगरपालिका ४ निवासी २० बर्षीया कल्पना परियार, मधुवन नपा ४ की २९ बर्षीया बीचकुमारी चौधरी र गेरुवा गाउँपालिका ५ निवासी २२ बर्षीया पवित्रा न्यौपाने, ४७ वर्षीय पर्शुराम न्यौपाने गम्भीर घाइते भएका छन्। सबै घाइतेको नेपालगञ्ज स्थित नर्सिङ्ग होममा उपचार भइरहेको छ ।
सूर्तीजन्य पदार्थ नियन्त्रणमा लिई नष्ट

सूर्तीजन्य पदार्थ नियन्त्रणमा लिई नष्ट

तानसेनका बसपार्क, बर्तुंङ र मेडिकल कलेज आसपासमा रहेका होटल तथा किराना पसलहरुमा गरिएको अनुगमनमा ठूलो परिमाणमा अवैध रुपमा विक्रिका लागि राखिएका सूर्तीजन्य पदार्थ नियन्त्रणमा लिई नष्ट गरिएको छ । जिल्ला स्वास्थ्य कार्यालय पाल्पाको अगुवाइमा विभिन्न पसल तथा होटलहरुमा छड्के अनुगमन भएको हो ।

अनुगमनका क्रममा पसलमा सूर्तीको प्याकेटको बाहिरी भागमा दुवैपट्टी स्वास्थ्यको लागि हानिकारक चिन्ह नभएको पाइएको, खुल्ला रुपमा झाण्डाएर राखिएको, चुरोटका खिली बेच्ने गरेको, होटलमा खानेकुरा व्यवस्थित नराखिएको, दर्ता नगरी सुर्ती जन्य प्रर्दाथ विक्री गरेको फेला परेकोले जफत गरी नष्ट गरिएको जिल्ला स्वास्थ्य कार्यालयका सुचना अधिकारी माधव ज्ञवालीले जानकारी दिए ।

अनुगमनका क्रममा सूर्तीजन्य प्रदार्थ नियन्त्रण तथा नियमन गर्ने ऐन २०६८ का बारेमा पसल सञ्चालकहरुलाई जानकारीसमेत गराइएको थियो । अनुगमनका क्रममा व्यापारीले कानुन छल्नकै लागि सामान्य ऐन नियम बारे जानकारी नभएको नाटक गर्दै अवैधानिक रुपमा व्यापार गदै आएको भेटिएकोले सामान जफत गरी नष्ट गरेको जिल्ला प्रशासन कार्यालयका प्रशासकीय अधिकृत टंकप्रसाद पाण्डेले जनाए ।


नारायणगढ–मुग्लिन सडकखण्ड  फेरी अवरुद्ध

नारायणगढ–मुग्लिन सडकखण्ड फेरी अवरुद्ध

 
 
 
चितवनको नारायणगढ–मुग्लिन सडकखण्ड हिजो अपरान्हयता अवरुद्ध छ । कालीखोलास्थित चार किलो भन्ने स्थानमा खसेको पहिरो आज बिहान ४ बजेदेखि पुन: हटाउन थालिएको छ । हिजो अपराह्न ३ बजे पछि पहिरो खसेर अवरुद्ध भएको सडक दुइतर्फी रुपमा खुलाउन अझै समय लाग्ने बताइएको छ । 
 
राति ८ बजे एकतर्फी बाटो खुलाएर बीच सडकमा अड्किएर जोखिममा परेका सवारी साधन कटाइ सकेपनि राति पहिरो खस्ने जोखिम बढेकाले काम रोकेर आज विहान पहिरो पन्छाउन थालिएको जिल्ला ट्राफिक प्रहरी कार्यालयले जनाएको छ । सोही स्थान नजिकै यही असार ९ गते बिहान खसेको पहिरोमा परेर ३ जना प्रहरी मृत्यु भएको थियो । एकजना प्रहरी बेपत्ता छन् । प्रहरीले बैकल्पिक बाटो प्रयोग गर्न सबैलाई आग्रह गरेको छ ।

Jul 12, 2017

रानीबारी हत्याकाण्डका दुई अभियुक्तलाई सर्वस्वसहित जन्मकैदको सजाय

रानीबारी हत्याकाण्डका दुई अभियुक्तलाई सर्वस्वसहित जन्मकैदको सजाय

झण्डै १४ वर्ष अघि भएको रानीबारी हत्याकाण्डमा संलग्न मनराज र प्रमेश दुई वर्ष अघि पक्राउ परेका थिए । प्रहरीका अनुसार दुबै ‘कन्ट्राक्ट किलर’ हुन् । हत्याकाण्डका योजनाकार भने अझै पक्राउ परेका छैनन् ।

जिल्ला अदालत काठमाडौंले रानीबारी हत्याकाण्डका दुई अभियुक्तलाई सर्वस्वसहित जन्मकैदको सजाय सुनाएको छ । न्यायाधीश रमेश प्रसाद रिजालले एकल इजलासले बुधबार मनराज गुरुङ र प्रमेश चौहानलाई दोषी ठहर गर्दै जन्मकैदको सजाय सुनाएको छ ।

के हो रानीबारी हत्याकाण्ड ?
काठमाडौंको रानीबारीमा इन्जिनियर हेमन्त श्रेष्ठ र उनकी पत्नी अञ्जली श्रेष्ठको ०५९ असार ३१ गते खुकुरी प्रहार गरी हत्या भएको थियो । प्रहरी अनुसन्धानका क्रममा मनराज र प्रमेशले पैसा लिएर हत्या गरेका हुन् । तर, उनीहरुको ‘टार्गेट’ भने श्रेष्ठ दम्पती नभएर घरबेटी गीता खड्का थिइन्, जो म्यान पावर व्यवसायी थिइन् ।

गीताको हत्याका लागि सुपारी लिएको मनराजको समूहले हेमन्त र अञ्जलीको हत्या गरेका थिए । उनीहरुले श्रेष्ठ दम्पतीकी सात वर्षकी छोरीलाई पनि खुकरी हानेका थिए । तर, उनी बाँच्न सफल भएकी छन् । मनराज र प्रमेशले घरबेटीको पनि हत्या गर्न खोजेका थिए तर गीता शौचालयमा लुकेका कारण बच्न सफल भएका थिइन ।

कोरियामा एक नेपाली युवकको मृत्यू

कोरियामा एक नेपाली युवकको मृत्यू

रोजगार अनुमति प्रणाली इपिएस मार्फत कोरिया आएका एक नेपाली युवकको बुधवार विहान ज्यान गएको छ । कोरियाको जेजुस्थित तबेलामा कार्यरत स्याङ्जा वालिङका रामचन्द्र पंगेनीको ज्यान गएको हो । झण्डै दुइ महिना अघि कोरिया आएका अन्दाजी २६ बर्षीय पंगेनीको मृत्यु भएको जानकारी जेजु प्रहरीले राजधानी सोलस्थित नेपाली दुतावासलाई दिएको छ । 

पंगेनीको मृत्यु भएको जानकारी दूतावासले नेपालमा रहेका उहाँका परिवारलाई पनि दिएको छ । कृषि क्षेत्र अन्तर्गतको घोडा हेर्ने तबेलामा अन्य एक नेपाली पनि कार्यरत रहेको बुझिएको छ । कोरियामा पछिल्लो समय डिप्रेसनमा परेर आत्महत्या, कार्यस्थल दुर्घटना, सडक दुर्घटना, सुतेको अवस्थामा ज्यान गुमाउने नेपालीको संख्या बढिरहेको छ । 
 
सन २००८ यता विभिन्न घटनामा परी एक सय २० भन्दा बढी नेपालीले ज्यान गुमाइसकेका छन् । औद्योगिक दुर्घटनामा परी सयौ अंगभंग भएका छन् । नेपालमा रोजगारीको प्रर्याप्त अवसर र आफ्नो योग्यता अनुसारको जागिर नपाउदाँ दैनिक हजारौ नेपाली युवा विदेशिन बाध्य भएका छन् भने दैनिक दुइ तीन जनाको शव नेपालमा भित्रिने गरेको छ ।

नेपाल प्रहरीमा एआइजीको पद ३ बाट ११ पुरयाए

नेपाल प्रहरीमा एआइजीको पद ३ बाट ११ पुरयाए

गृह मन्त्रालयको नेतृत्व सम्हालेपछिका हरेक कार्यक्रममा गृहमन्त्री जनार्दन शर्माको थेगै बन्यो, ‘सुरक्षा संगठनलाई राजनीतिक प्रभावमुक्त बनाउँछु।’ हरेक कार्यक्रममा उनले आफूले पनि हस्तक्षेप नगर्ने बाचा गरे।  तर उनको  बाचा एक महिना पनि टिकेन। नेपाल प्रहरीमा एआइजीको तीन पद राख्ने सुशील कोइराला सरकारको निर्णय उल्टाउँदै उनले सोमबार ११ पुरयाए । प्रहरीलाई संघीय संरचनामा लैजाने बहानामा गृहको प्रस्ताव मन्त्रिपरिषद्ले सदर गरयो । तर गृहले संघीय संरचनाको टुंगो लगाएको छैन ।

सुरक्षा संगठनलाई संघीय संरचनामा लैजान पूर्वआइजीपी कुवेरसिंह रानाको संयोजकत्वमा बनेको समितिले प्रतिवेदन पेस गरेको एक वर्ष बित्यो । गृहका एक अधिकारीका अनुसार संघीय संरचनाबारे छलफल चलिरहे पनि कस्तो संरचनामा लैजाने भन्ने निर्णय भइसकेको छैन । गृह भने एआइजी बढुवा भने तत्काल गर्ने तयारीमा छ ।
संरचना टुंगो नै नलगाई पहिल्यै एआइजीको भीड बढाउने सरकारी निर्णय आफ्नालाई बढुवा गर्ने उद्देश्यले भएको देखिन्छ । स्रोतका अनुसार प्रहरी प्रधान कार्यालय कोइराला सरकारले खारेज गरेका चार पद थपेर पुरानै सात कायम गर्ने पक्षमा थियो ।

गृहले प्रारम्भमा सोहीअनुसारको गृहकार्य गरे पनि प्रधानमन्त्री शेरबहादुर देउवाले संख्या बढाउन निर्देशन दिएपछि गृहमन्त्रीले ११ पद बनाएका हुन् । प्रहरीमा डिआइजीको संख्या २६ हो, त्यसमा ४ पद रिक्त छन् भने बढुवा मितिका आधारमा पाँच समूहमा २४ जना कार्यरत छन् । पहिलो समूहमा तीन, दोस्रोमा १०, तेस्रोमा ५, चौथोमा १ र पाँचौं समूहमा तीन डिआइजी छन् । 

पहिलो तहमा नवराज सिलवाल, जयबहादुर चन्द, बमबहादुर भण्डारी छन् । दोस्रोमा पशुपति उपाध्याय, देवेन्द्र सुवेदी, विजयलाल कायस्थ, मधुप्रसाद पुडासैनी, माधवप्रसाद जोशी, केशरीराज घिमिरे, कमलसिंह बम, मिङमार लामा, पंकज श्रेष्ठ र माधव नेपाल छन् ।

यसैगरी तेस्रो समूहमा रणबहादुर चन्द, हेमन्तबहादुर पाल, गोविन्दप्रसाद निरौला, रोमेन्द्रसिंह देउजा र विजयकुमार भट्ट छन् । चौथोमा सुदीप आचार्य छन् भने पाँचौं समूहमा गणेश केसी, केदारमानसिंह भण्डारी र रमेशकुमार भट्टराई छन् ।

११ जना बनाउँदा तेस्रो समूहका पाँचजना समेत छुन्छ । प्रधानमन्त्री देउवा क्षेत्र विशेषका आधारमा सुदूरपश्चिमबाट बढी प्रभावित देखिन्छन् । एआइजी पद ३ बाट बढाएर ११ पुरयाए पछि सुदूरपश्चिमका ६ जना डिआइजी प्रतिस्पर्धी बन्न पाउनेछन् ।

तेस्रो समूहमा सुदूरपश्चिमका तीन डिआइजी चन्द, पाल र भट्ट छन् । स्रोतका अनुसार देउवाले तेस्रो समूहको अन्तिम सूचीमा रहेका डिआइजी भट्टको बढुवामा बढी चासो राखेका थिए । उनकै जोडबलमा संरचना बन्नुअगाडि नै संख्या ११ पुरयाएको स्रोतले बतायो ।

Jul 11, 2017

आइतबार राति बगाएको जिप घटनास्थलबाट करिब १५ मिटर पर हिलोमा गाडिएको अवस्थामा फेला

आइतबार राति बगाएको जिप घटनास्थलबाट करिब १५ मिटर पर हिलोमा गाडिएको अवस्थामा फेला

जिल्लाको पूर्वी भेगस्थित अरुण खोलाले बगाएका एक बालकको १५ घण्टापछि उद्धार गरिएको छ । बाढीले बगाएर खोलाको बीच भागमा अलपत्र परेका उनको मंगलबार जीवितै उद्धार गरिएको प्रहरीले जनाएको छ । निस्दी गाउँपालिका–४ मित्याल गोठडाँडाका १० वर्षीय रजिन सुनारीलाई खोलाले बगाएको थियो । सोमबार दिउँसो पौडी खेल्न गएका सुनारीलाई एक्कासि पानीको वहाव बढेपछि खोलाले बगाएको स्थानीयले बताए । 
 
बगाएर २ सय मिटर पर लगेपछि उनी खोलाको बीच भागमा रहेको ढुंगाको सानो थुप्रोमा अडिएकाले उद्धार गर्न सहज भएको प्रहरीले जनाएको छ । जिप भेटियो, मान्छे फेला परेनन् तिनाउ खोलाको बाढीले चार यात्रुसहित बगाएको जिप सोमबार फेला परेको छ । तानसेन–९ र माथागढी–३ जोड्ने कल्भर्टबाट आइतबार राति बगाएको लु१ज १२१७ नम्बरको जिप घटनास्थलबाट करिब १५ मिटर पर हिलोमा गाडिएको अवस्थामा फेला परेको प्रहरीले जनाएको छ । जिपसँगै हराएका चार यात्रु भने अझै बेपत्ता छन् ।
१ अर्ब भन्दा बढी मुल्यको रुख कटान

१ अर्ब भन्दा बढी मुल्यको रुख कटान

जिल्लामा स्थानीयले संरक्षण गरेको १ अर्ब भन्दा बढी मुल्यको रुख कटान गरिएको छ । बुढा र छिप्पीएका रुख हटाउन र नयाँ बिरुवा हुर्काउन भन्दै नवलपरासीमा गत चैतदेखि यता ८ हजार रुख काटिएको हो । काटिएकोमा ८० प्रतिशत सालका रुख रहेका छन् । जिल्लामा स्थानीय समुदायले संरक्षण गरेका १६ वटा सामुदायिक वन र तीनवटा राष्ट्रिय वनवाट त्यति परिणामको रुख कटान गरिएको हो । यहाँको १० हजार हेक्टर वनमा गरिएको कटानवाट ३ लाख २५ हजार १ सय २७ क्यूफिट काठ निकालिएको छ । यो अहिले सम्मकै धेरै हो । बजारमा प्रति क्यूफिट सालको चिरान काठको मुल्य ५ हजार देखि ५५ सयसम्म पर्दछ । गत चैतवाट शुरु गरिएको कटानवाट अहिलेको बजार मुल्य अनुसार एक अर्ब ८० करोडको काठ बिक्रि भएको छ । 
 
एकैपटक ठुलो परिमाणमा काठ बजारमा पठाउँदा बजार मुल्य समेत प्रभावित पार्ने भएको छ । हाल मलेसियावाट आयात हुदै आएको ठुलो परिमाणको काठ रोक्न वन कटान गरिएको भनिएपनि मेलेसियन काठ आउन भने रोकिएको छैन । वन अधिकारीहरुले मलेशियन काठ नेपालको बजार मुल्यमा सस्तो पर्ने भएकाले आयात गर्नेहरुले बढि नाफा कमाउन त्यहाको काठ भित्राउने गरेको दाबी गरेका छन् । वनमा हुर्किएका सयौं वर्ष पुराना र नबढे रुख कटान गरेर ती स्थानमा नयाँ रुख, बिरुवा हुर्काउन (बैज्ञानिक वन ब्यबस्थापन गर्न) धमाधम रुख काटिएको हो । जिल्ला वन र स्थानीय वन उपभोक्ता समितिका पदाधिकारीको संयुक्त कार्ययोजना अनुसार वनमा बाक्लिएर नबढ्ने खालका रुख निकालिएको हो । 
 
हाल प्रतिहेक्टर वनमा औसतमा ५० देखि ६० वटा रुख रहेको छ । नयाँ ब्यबस्था अनुसार रुख हटाउँदा प्रतिहेक्टर १७ देखि २० वटा मात्र रुख रहन्छ । जिल्ला वन अधिकृत बिजय राज सुवेदी तराइको वनमा सयौं वर्ष पूराना र नबढ्ने रुख कटाएर नयाँ रुख बढाउने सरकारी नीति अनुसार रुख कटान गरिएको बताउँछन् । उनले आउँदो कात्तिकमा फेरी कम्तिमा साढे ३ लाख क्यूफीट काठ निकाल्ने र त्यतिकै संख्यामा रुख काटिने जानकारी दिए । ८० वर्षे गुरु योजना बनाएर सामुदायिक वनबाट धमाधम रुख काटिएको हो । ‘पुराना, बुढा रुखहरु नबढ्ने भएकाले त्यस्ता रुख राखेर र्आिर्थक फाइदा लिन सकिदैन वातावरणीय हिसावले पनि पुराना रुख हटाउदा वनमा प्रकाश सजिलो गरि छिर्ने र नया बिरुवा छिटो बढ्ने हुन्छ ।
 
’ जिल्ला वन अधिकृत सुवेदी भन्छन, ‘रुख कटानले बजार माग नियन्त्रणमा सघाउछ भने सामुदायिक वनको आम्दानी पनि बढ्छ ।’ सामुदायिक वनमा कटान गरिएको रुखको आम्दानी वन उपभोक्ता समितिहरुले नै प्रयोग गर्न पाउने भएका छन् । काठ दाउरा बिक्रीवाट हुने आम्दानीको ५० प्रतिशत रकम वन बिकासमा खर्च गर्ने नियम छ भने ३५ प्रतिसत रकम सामाजिक बिकासमा र १५ प्रतिसत रकम सामुदायिक वन उपभोक्ताहरुको कार्यालय संचालनमा खर्च गर्न पाउने ब्यबस्था रहेको छ । एउटै सामुदायिक वनमा काठ बिक्रिवाट ५ देखि ९ करोड सम्म नगद जम्मा हुने भएपछि स्थानीयहरु हौसिएका छन् । वर्षभरीमा सामुदायिक वनवाट काठ दाउरा बिक्रि गरेर २० , २५ लाख सम्म जम्मा हुने गरेको सामुदायिक वनमा एकै पटक ठुलो रकम आम्दानी हुने भएपछि त्यसको परिचालन र उपयोग प्रयोग कसरी हुन्छ भन्ने चिन्तापनि शुरु भएको छ । यता सामुदायिक वन उपभोक्ता महासंघ नवलपरासीका अध्यक्ष ठाकुर पाण्डे बैज्ञानीक वन ब्यबस्थापनको नाममा बन जंगल फडानीले समुदायलाई नोक्सानी पुग्ने बताउँछन ।
भद्रपुर नगरका सडक विस्तार तथा स्तरीकरणको काम गुणस्तरहिन

भद्रपुर नगरका सडक विस्तार तथा स्तरीकरणको काम गुणस्तरहिन

भद्रपुर बचाउ कार्यक्रम अन्तर्गत गत वर्षबाट सुरु भएको भद्रपुर नगरका सडक विस्तार तथा स्तरीकरणको काम गुणस्तरहिन भएको पाइएको छ । सघन सहरी विकास योजनामार्फत काम भइरहेको सडकका अधिकांश काम गुणस्तरहिन हुँदा वर्षाका कारण भत्कन थालेपछि गुणस्तरमाथि प्रश्न उठेको हो । पछिल्लो पटक चन्द्रगढीको लेखनाथ चौक दक्षिण मन्त्री चौक सडकखण्डको सडक विस्तारको काम गुणस्तरहिन भएकै कारण सडक किनारामा निर्माण भएको नाली भत्कन थालेको छ । ६ किलोमिटर लम्बाई रहेको सो सडक निर्माणको जिम्मा अरनिको हेविटेस जलथलले लिएको छ । ८ करोड ९१ लाख रुपैयाँमा ठेक्का लिएको सो सडक निर्माण जेठ १ गतेबाट सुरु भएको थियो । 

भद्रपुर–७ स्थित सरस्वती आधारभूत विद्यालयसँग जोडिएको बोक्तावारी सडक खण्डमा निर्माण भएको ५ सय मिटर नाली स्लेपमध्ये झण्डै १५० मिटर जति सोमबार रातिको वर्षापछि भत्किएको छ । कमसल सामग्री प्रयोग हुँदा सडक निर्माणको गुणस्तर कमजोर रहेको भन्दै स्थानीय बासिन्दाले गुनासो पोखेका छन् ।

सडक गुणस्तर हेर्ने सहरी विकासका इञ्जिनियरले निर्माण कम्पनीबाट रकम असुलेर निर्माण गुणस्तर चेकजाँच नगरेको स्थानीयको आरोप छ । स्थानीय विष्णु राजवंशीका अनुसार सडक निर्माण कम्पनीको काम कमसल रहेको जानकारी पटक–पटक सहरी विकासका इञ्जिनियरलाई गराइए पनि बेवास्ता गरेपछि वर्षा सुरु भएयता सडकको पर्खाल भत्कन थालेको हो । निर्माण सुरु हँदै चर्केको पर्खाल ढल्न थालेपछि निर्माण कार्यमा प्रश्नचिन्ह उठेको छ ।

यता निर्माण कम्पनीका निर्देशक पुष्पराज निरौला सडक विस्तार तथा नाली स्लोप निर्माणको काम गुणस्तरीय रहेको दावी गर्छन् । वर्षाका कारण ६० मिटर जति नाली स्लोप भत्केको उनले स्वीकार गरे । यसलाई हेरेर गुणस्तरहिन भन्न नमिल्ने उनले तर्क गरे ।
ट्रमा सेन्टर दक्षिण एसियामै नमुना बनाउने कसरत

ट्रमा सेन्टर दक्षिण एसियामै नमुना बनाउने कसरत

                                                            ट्रमा सेन्टरको स्पाइन सेवा


 नमुना बन्दै ट्रमा सेन्टरको स्पाइन सेवा


घाँस काट्दा रूखबाट खसेर गम्भीर घाइते बनेकी रुकुमकी सीता बुढामगरले जीवनप्रति आशा मारिसक्नुभएको थियो । दुर्गम ठाउँ, जिल्ला अस्पताल जानै घन्टौं लाग्ने ।छिमेकीको सहयोगमा उहाँलाई उपचारका लागि काठमाडौंको राष्ट्रिय ट्रमा सेन्टर ल्याइयो । सेन्टरको 'स्पाइन युनिट' मा भर्ना गरेको केही दिनमै चिकित्सकले उहाँको भाँचिएको मेरुदण्डको शल्यक्रिया गरे । शल्यक्रियाको एक सातापछि उहाँ उभिनसक्ने हुनुभएको छ । 'मैले त जीवनप्रति नै आस मारिसकेकी थिएँ तर यहाँ आएर उपचार गरेपछि निको भएँ,' सीताले  भन्नुभयो ।

ट्रमा सेन्टरको 'स्पाइन युनिट' मा पुग्दा यस्तो भाव नगर्ने सायदै बिरामी भेटिन्छन् । ट्रमाले दुर्घटना, चोटपटक र विभिन्न संक्रमणका कारण मेरुदण्डसँग सम्बन्धित समस्या बोकेर आएका बिरामीलाई सस्तो मूल्यमा उपचार सेवा दिइरहेको छ । र, नयाँ जीवन लिएर जाने र उपचारका लागि आउने बिरामीको संख्या बढ्दै छ । कारण हो, युनिटको सही नेतृत्व, दक्ष चिकित्सक, अत्याधुनिक उपकरण तथा पूर्वाधारको समुचित व्यवस्था, चुस्त व्यवस्थापन अनि चिकित्सकमा केही गर्छु भन्ने अठोट ।

ढाडमा नसा च्यापिएकी धरान-६ की यशोधा चौधरीले सात वर्षसम्म औषधि, थेरापी, झारफुकलगायत अनेकौं विधिको सहारा लिनुभयो । धरानका दर्जनौं निजी अस्पताल धाउँदा पैसा मात्रै सकियो । छोराछोरीको सहयोगमा उहाँ उक्त युनिट आइपुग्दा नयाँ जीवन पाउनुभएको छ । 'जीवनदेखि हार खाएको थिएँ । उपचार गर्दागर्दै १४ लाख सकिसकेको थियो । यहाँ अप्रेसनका लागि थोरै पैसा तिर्नुपर्‍यो तर जीवन बाँच्यो,' मेरुदण्डको शल्यक्रियापछि चिकित्सकको निगरानीमा रहेकी चौधरीले भन्नुभयो । सीता र यशोदा मात्र नभई सेन्टरमा सयौं अन्य बिरामी नयाँ जीवन पाएर फर्किएका छन् ।

स्पाइनल युनिटमा मेरुदण्डमा चोटपटक लागेका, विभिन्न रोगका कारण संक्रमण फैलिएका, नसा च्यापिएका, क्यान्सर भएका वा ढाड बांगिएका बिरामीको उपचार भइरहेको छ ।

उक्त युनिटमा हरेक प्रकारका 'स्पाइन इन्जुरी' को उपचार भइरहेको छ । अस्पतालका स्पाइन सर्जन डा. गौरवराज ढकालका अनुसार साढे एक वर्षमा एक ६० वटा जटिल शल्यक्रिया भएका छन् । प्राय: सरकारी अस्पतालका चिकित्सकप्रति बिरामीको गुनासो हुन्छ समय धेरै नपाएकोमा । युनिटमा नियमित रूपमा सातामा ५ वटासम्म शल्यक्रिया भइरहेको छ ।