राजेशले दिए ११ सेकेन्ड लामो ‘टङ किस’

नायक राजेश हमालले पछिल्लो समय टङ किसका दृश्य दिन थालेका छन् । राजेश हमाल कुनै समय यस्ता दृश्य दिन पर हट्थे । तर उनलाई यो सामान्य विषय भैसकेको छ । तर उनका मिल्ने र मनपर्ने गायक राजेश पायल राईले पनि टङ किसको दृश्य दिए भन्दा तपाईंलाई अचम्म लाग्न सक्छ । तर यो कुरा सत्य हो ।

उनले उकेश दाहालले निर्माण तथा निर्देशन गरिरहेको चलचित्र ‘किन किन’मा ११ सेकेन्ड लामो टङ किसको दृश्य दिएका छन् । चलचित्र भित्र छायांकन हुने एक म्युजिक भिडियोको छायांकनका क्रममा उनले सन्ध्या ठकुरी नाम गरेकी नवनायिकासँग यो रोमानस गरेका हुन् । टङ किसको दृश्य दिईसकेपछि प्रतिक्रिया दिँदै उनले भने -’मैले भयो भन्दा भन्दै पनि निर्देशकले मान्दै मान्नु भएन ।’

अनि यस्तो दृश्य दिँदा कस्तो भयो त भन्ने हाम्रो प्रश्नमा उनले भने -’केही लाज लाग्यो मलाई । सयौं मान्छे हेर्नका लागि आएका थिए । उनीहरुको सामुन्ने टङ किस खाँदा म त रातो पिरो नै भएँ ।’ उनले पहिलोपटक यस्तो दृश्य दिँदा नया अनुभव भएको समेत बताए । चलचित्रभित्र एउटा म्युजिक गीतको छायांकन हुन्छ । जहाँ गायक राजेश पायल राई गायकको रुपमा अभिनय गर्दछन् ।

यस्तै चलचित्र भित्र प्रयोग गरिएको म्युजिक भिडियो भित्र गायकद्वय प्रमोद खरेल र भरत सिटौलाको समेत अभिनय रहेको छ । यो गीतको छायांकन मंगलवार चोभारमा गरिएको छ । लामो समयको ग्यापपछि यो चलचित्रको छायांकन शुरु गरिएको हो । चलचित्रको छायांकन केही दिनभित्र नै सकिने निर्देशक उकेश दाहालले बताएका छन् ।

चलचित्र ‘किन किन’मा राजेश हमाल, करिश्मा मानन्धर, राज तिमिल्सेना, अरुणिमा लामाको मुख्य भुमिका रहेको छ । चलचित्रमा बेड सिन र टङ किस सामान्य रुपमा रहेका छन् । निर्देशक उकेश दाहालले बनाएको पहिलो चलचित्र पलपलमा पनि यौनको विषयलाई उठान गरिएको थियो ।