जहाँ माकुरोको जालो लाग्छ, मानिसहरु त्यसलाई तुरुन्तै सफा गर्छन् । माकुरोले लगाएको जालोलाई मानिसहरु राम्रो मान्दैनन् । तर, त्यही माकुरोको जालो कति उपयोगी हुन सक्छ ? भन्ने कुरा भने सबैलाई जानकारी नहुन सक्छ ।पछिल्लो पटक जापानका सोधकर्ताहरुले माकुरोले बनाएको हजारौं जालोको रेसा मार्फत् भ्वाइलिनका तारहरु बनाएका छन् । जुन तारले स्टिल तारको तुलनामा सुरिलो र मन्द आवाज दिने शोधकर्ताहरुको दाबी छ ।
समाचार स्रोतका अनुसार जापानको नारा मेडिकल विश्वविद्यालयका डा. ओसाकीले भ्वाइलिनका सम्पूर्ण तारहरु माकुरोको जालोबाट बनाइएको बताइएको छ । डा. ओसाकीले यस तरहबाट बनाएको भ्वाइलिनको तारको विकास पहिलो भएको दाबीगर्दै यसले संगीतप्रेमीलाई नयाँ सुर सुन्ने मौका प्राप्त हुने दाबी गरेका छन् ।
स्रोतका अनुसार डा. ओसाकीले पालेका माकुरोलाई प्रजनन् गराएर खास किसिमको ‘ड्रयागलाइन रेशम’ निकाल्ने तरिका विकसित गरेका हुन् । उनले करिब ३ सय ‘नेफ्युला माकुलाता’ माकुराको प्रजातिबाट यस्तो प्रविधिको विकास गरेको बताइएको छ ।
No comments:
Post a Comment