दशैंमा आउँन पाइन

दशैं तिहार सम्झी मलाई , नरोइदिनु आमा 
पछ्यौरीमा आशु पुछी , नधोइदिनु आमा 
पीर मानि बाटो कुरी , नहेर्दिनु बुबा 

बटुवालाई सोधी सोधी , नकेर्दिनु बुबा |

दिदी बहिनी , छोरा छोरी , अघाध छ माया 
साथी भाई , गाउघरको , आउछ सधै याद 
मेरी प्यारी काम धन्दामा , गर्छौँ होला कुरा 
बेदनाका गीत खोपी , भर्छौ होला गीत |

अर्काको भेष , अर्कैको देश , भने जस्तो हुन्न 
जति बिन्ति बिसाउ मैले , छुट्टी मिल्ने छैन 
सबै मिलि हासी खुशी , मनाउनु है दशैं 
तिहार आउदा नरोऊ चेली , सरे जस्तै: बसाई |

डम्बर पौडेल चानुवा -८ ,धनकुटा 
हाल :- कतार