यूरोप चिसोको मारमा, इटालीमा ६० हजार घरमा विजुली अबरुद्ध, ग्याँसको पनि अभाव

एजेन्सी, माघ २४–यूरोपमा चिसोका कारण त्यहाँका वासिन्दाको जनजीवन थप कष्टकर बन्दै गएको छ । यूरोपभर यसवर्ष चिसोका कारण करिब ३ सय मानिसको ज्यान गइसकेको अन्तर्राष्ट्रिय समाचार माध्यमहरुले जनाएका छन् ।

त्यस्तै चिनमा मात्रै २४ जनाको चिसोका कारण मुत्यु भएको छ भने त्यहाँको सरकारले ग्याँसको सप्लाईमा समेत समस्या उब्जिएको जनाउँदै आपतकालीन समय भएको बताएको छ । 

त्यहाँको सरकारले ग्याँसको संकट टार्न कयौं घरमा विजुली आपूर्ति कटौति गरेको छ । चिसोकै कारणले इटालीमा ६० हजार घरमा विजुली आपूर्ति गर्न नसकिएको बताइएको छ ।

यूरोपभरी ग्याँस वितरण प्रमुख देश रुस समेत चिसोका कारण मारमा परेपछि यसको असर अन्य देशहरुलाई पनि परेको हो । रुसको साइबेरियाको तापक्रम माइनस ४० डिग्रीसम्म झरेको बताइएको छ ।