तिमी भित्रै जाग्छ

तिमी नै हौ बसन्त , मेरो नजरमा बस्ने 

तिमी नै हौ गृष्म , मिठो मिलन रच्ने 

वर्षा सरि माया भरी , तिम्रै हृदयलाई 

फुल टिपी शरदमा , गुच्छा तिमीलाई |

हेमन्तमा धानका बाला , सुनौला भई झुल्दा 

मनै शान्त हुन्छ कति , तिम्रो तस्बिर खुल्दा 

शिशिरको जाडोमा नि न्यानो माया साँचे 

हुन्छ भेट मिलनको , दिन गन्दै बाचे |

छैन मेरो अरु केहि लैजाउ मेरो मुटु 

आशा लाग्छ दिन रात , तिमीसंगै फुटु 

लोलाएर आखा मेरा , दर त्रास सबै भाग्छ 

माया मेरो जीन्दगीको , तिमी भित्रै जाग्छ |

डम्बर पौडेल 

चानुवा – ८ ,धनकुटा 

हाल :- कतार