बाटो हेर्छु हजुरको

मनको मिठो साँचेर , हुन्छ बसौला 
सयपत्री फुलको माला , गासी राखौला 
उकालीमा हेरी बस्छु , आखा टोलाउदै 

दौडी आउनु तपाई हजुर , हासो फिजाउदै |

धानका बाला झुलेका , खेतहरुमा टन्नै 
बसेको छु मेरो हजुर , दिन रात गन्दै 
झिलीमिली तिहारमा , बत्ती बालौला 
भैलिनी र देउसी सँगै , हामी नाचौला |

मादलका पारखी , मारुनीमा बन्छन सारथी 
हास्दै खेल्दै रमाइलोमा , नाच्ने दौतरी 
हेर्छु बाटो हजुरको , जान्न माइत नि 
मेरो खुशी तपाईमै , आउनु साइतैमा |

डम्बर पौडेल चानुवा -८ , धनकुटा 
हाल :- कतार 

(पुरानो कबिताको डायरीबाट

पुर्ब प्रकासित डी. सी. नेपाल डट कम र नेपाल समूह डट कम )