दाङको तुलसीपुरमा ३४ करोड लागतमा आधुनिक बसपार्क निर्माण सुरु भएको छ ।
आधुनिक बसपार्कको सोमबार तुलसीपुर उपमहानगरपालिकाका कार्यकारी अधिकृत
टोपेन्द्रबहादुर केसीले शिलान्यास गरेका छन् ।
हाल बसपार्क रहेको तुलसीपुर-५ मै नयाँ बसपार्क निर्माण हुनेछ ।
तुलसीपुरमा व्यवस्थित बसपार्क नहुँदा खोलाको बगरमा बस पार्किङ गर्नुपर्ने
बाध्यता छ ।
अब १६ कोठे टर्मिनल भबन, गाडीका स्टाफहरुलाई आराम गर्ने कोठा, बगैंचा,
रेष्टुरेन्ट, ५० वटा सपिङ स्टल, अपाङ्ग मैत्री सार्वजनिक शौचालय निर्माण
हुने तुलसीपुर उपमहानगरपालिकाका इन्जिनियर पवन योगीले बताए । शिवशक्ति
निर्माण कम्पनी काठमाडौंले १५ महिनाभित्र बसपार्कभित्रका सबै संरचना तयार
पार्ने ठेक्का पाएको छ ।
यसअघि बसपार्कको जग्गामा बस्दै आएका ३२ घर परिवारले उच्च अदालतमा
तुलसीपुर उपमहानगरपालिकाविरुद्ध रिट दायर गरेपछि बसपार्क निर्माण कार्य
रोकिएको थियो । तर, उच्च अदालतका न्यायधीशद्वय श्रीमनकुमार गौतम र
सुदर्शनदेव भट्टको इजलासले नगरपालिकाको जग्गामा कसैले बस्ती बसाउन नपाउने
भन्दै रिट नै खारेज गरिदिएपछि बसपार्क निर्माण गर्न बाटो खुलेको थियो ।
No comments:
Post a Comment