विराटनगर – सीमावर्ती भारतको जोगवनीमा गुडिरहेको रेलबाट किचिएर गएराति तीन नेपालीको मृत्यु भएको छ।
मृत्यु हुनेमा मोरङको कदमाहा–८ का २५ वर्षीय
रमेश शर्मा, जुडीघाट–८ का १६ वर्षीय राजु ऋषिदेव र धनुषा सिग्याहीमडानका
२६ वर्षीय विनोद यादव रहेको सीमा प्रहरी कार्यालय जोगवनीका प्रहरी नायब
निरीक्षक फिरोज चौधरीले जानकारी दिए।
प्राप्त जानकारीअनुसार मङगलबार राति ८ बजे
तीनैजनालाई उनीहरु चढेको को १७ प ३६९३ नम्बरको मोटरसाइकल रेलको लिकबाट पार
गर्न खोज्दा सोही समयमा तीव्रगतिमा आएको रेलले किचेको थियो । नम्बर ५७४२
सो रेलबाट जोगवनीबाट कटिहार जाँदै थियो ।
भारतको अररियास्थित अस्पतालमा परीक्षणपछि मारिनेहरुको शव परिवारलाई बुझाइएको छ । रासस
No comments:
Post a Comment