सिम्ले बजार सडकमा माइकोबसले ठक्कर दिएको घटनामा मृतकको संख्या ३ पुगेको छ । माइक्रोको ठक्करबाट घाइतेको उपचारको क्रममा ज्यान गएपछि मृतकको संख्या तीन पुगेको हो । मंगलबार आफ्नै घर अगाडि सिम्ले बजार सडकमा हिँडिरहेकी कपडा पसले २८ वर्षीय वन्दना परियारलाई ठक्कर दिएपछि उनको घटनास्थलमै मृत्यु भएको थियो ।
२८ वर्षीय गंगा थापाको बाटो र ३३ वर्षीय सुष्मा थापाको उपचारकै क्रममा नर्भिक अस्पतालमा मृत्यु भएको जिल्ला प्रहरीले पुष्टि गरेको छ । मृतक सुस्मा स्थानीय टेलिभिजन दिव्यदर्शनमा कार्यरत पत्रकार राजु थापाकी श्रीमती हुन् । ठक्कर दिने गाडीलाई घटनापछि आक्रोशित स्थानीयले आगो लगाइदिएका थिए ।
उनीहरुलाई भैरहवाबाट काठमाडौंतर्फ जाँदै गरेको लु १ ज २६७४ नंबरको विङ्गर माईक्रोले मंगलबार अढाई बजे ठक्कर दिएर आफैं पल्टेको थियो । घटनालगत्तै स्थानीयवासीले पल्टेको गाठी उठाएर पेट्रोल छर्केर आगो लगाइदिएका थिए । चालक डुम्रेलाई कुटपिट गर्दै गर्दा महादेवबेंसीस्थित प्रहरीले नियन्त्रणमा लिएका थियो ।
No comments:
Post a Comment