मेष
परिस्थितिले मन मिल्ने साथीसँग भेट गराउनेछ । प्रेम र मित्रताको बन्धन कसिलो हुनेछ । जीवनशैलीमा परिवर्तन ल्याउन थप मेहनतको खाँचो पर्नेछ । प्रतिस्पर्धीहरूलाई उछिन्दै विशेष अवसर हात पार्न सकिनेछ । रमाइलो जमघटमा सहभागी हुने अवसर प्राप्त होला । मंगलबार र बुधबार मन खिन्न रहे पनि सप्ताहान्तमा पुन: उत्साह जाग्नेछ ।
वृष
आर्थिक अभावले छट्पटिँदा बोलीको मधुरताले उक्त संकटलाई परास्त गर्न सकिनेछ । पहिलेदेखिको योजना कार्यान्वयनमा ढिलाइ गर्नाले पछि परिनेछ । मेहनतले जीवनशैलीमा परिवर्तन ल्याउन सक्छ । भविष्यका निम्ति ठोस निर्णय गर्न पारिवारिक मत मिल्नेछ । सवारी साधन चलाउँदा होस पुर्याउनु होला ।
मिथुन
ईष्या गर्नेहरूलाई पुरुषार्थ देखाउन सकिनेछ । अप्ठ्यारो परिस्थितिसँग सम्झौता गर्नुपरे पनि लगनशीलताले लक्ष्यमा पुर्याउनेछ । दिगो फाइदा हुने कार्य प्राप्त हुनेछ । खर्च भए पनि फाइदाजनक काममा लगानी गर्ने अवसर जुट्नेछ ।
कर्कट
यात्रामा समय खर्चनुपर्नेछ । घरेलु काममा अलमलिँदा महत्वपुर्ण कार्य ओझेलमा पर्न सक्छन् । अनुभव नभएको व्यवसायमा ठूलो लगानी गर्दा नोक्सान हुनसक्छ । साताको अन्त्यमा शुभ तथा मांगलिक कार्यमा धन खर्च हुनेछ ।
सिंह
पारिवारका ज्येष्ठ सदस्यको सुझावबाट समस्या निराकरण गर्न सकिनेछ । मनलाई दरिलो बनाई गरिएको निर्णय आफ्नै हितमा हुनेछ । जतिसुकै सहयोग गरे पनि आफन्तहरूले आलोचना गर्न छाडेका छैनन् । जोडी नम्बरको सवारी साधन तथा रातो रंगको पहिरनले यात्रा सहज बनाउने छन् ।
कन्या
टाढा रहेका साथीहरूसँग बिग्रिएको सम्बन्ध पुन: स्थापित हुनेछ । शैक्षिक क्षेत्रमा राम्रो उपलब्धिसँगै वैदेशिक रोजगारीको अवसर जुर्नेछ । परोपकारी कार्यमा रुचि जाग्नेछ । बहुमूल्य धातु तथा विलासका साधन खरिद गर्दा होसियारी अपनाउनु होला । सरोकारका विषयमा स–परिवार संलग्न भइनेछ ।
तुला
आलोचना गर्नेहरूले स–साना त्रुटि औंल्याइदिँदा आफू अझ उचाइमा पुगिनेछ । भाग्यले साथ दिए पनि मनमा उत्पन्न शंका तथा डरले बनिसकेका काममा दुविधा उत्पन्न हुनसक्छ । सूर्य देवको आराधनाले भयमुक्त हुन सहयोग पुर्याउनेछ । बाहिरी खानपान एवं भोज भतेरमा संयम अपनाउनुपर्नेछ ।
वृश्चिक
विपक्षीहरू प्रतिष्ठामा ठेस पुर्याउन सक्रिय छन् । अभिभावकले दिएको सुझाव मनन गरी चल्न सके आफैंलाई फाइदा हुनेछ । केही समय रोकिएर धैर्यपूर्वक गरिएका कार्यले उचाइमा पुग्न सहज बनाउनेछ । हतारले दुर्घटना निम्तिन सक्छ, विवेक पुर्याउनु होला ।
धनु
लामो समयसम्म रोकिएको कामको गाँठो स्वत: फुक्नेछ । रचनात्मक कामले हितैषीहरूको मनमा प्रभाव पार्नेछ । विपरीतलिंगीहरूले प्रेम प्रस्ताव राख्ने सम्भावना छ, निर्णय गर्न ढिलाइ नगर्नुहोला । पहेंलो रंगलाई प्राथमिकता दिए जीवनमा नयाँ उत्साह थपिन सक्छ ।
मकर
ठूलाबडासँगको संगतले भविष्यमा आइलाग्ने समस्या पहिचान गर्न सकिनेछ । सरकारी तथा निजी क्षेत्रमा अवसर हात लाग्न सक्छ । व्यवसायमा गरिएको लगानीले पिरोल्ने सम्भावना छ । साताको अन्त्यमा यात्रामा हुने भेटघाटले उन्नतिको मार्ग पहिल्याउन सहज बनाउनेछ ।
कुम्भ
प्रतिकूल अवस्थामा अरूको मुख ताक्दा पछि परिएला । नयाँ काममा लगानी गर्दा अभिभावकको सुझाव तथा सहयोगको आवश्यकता पर्नेछ । चियोचर्चा गर्नेहरूसँग सावधानी अपनाउनुहोला । प्रेमी–प्रेमिकासँगको सम्बन्ध निराशामा परिणत हुने सम्भावना छ । साताको अन्त्यमा स्वास्थ्यमा गडबडी देखा पर्न सक्छ, सचेत रहनुहोला ।
मीन
सफलता प्राप्त गर्न मन मिल्ने साथीको सुझाव आत्मसात् गर्नुहोला । विविध क्षेत्रका काममा हात हालेर अरूको मन लोभ्याउन सकिनेछ । प्रेमिकाबाट आफूले अपेक्षा गरेभन्दा बढी सहयोग पाइनेछ । सुनौलो रंगलाई पछ्याउँदा छिटो सफलता प्राप्त हुने देखिन्छ ।
- रामप्रसाद सिटौला (फलित ज्योतिष)
kantipur बाट
kantipur बाट
No comments:
Post a Comment