निरन्तर वर्षपछि आएको बाढीका कारण घर डुबानमा
परेपछि सप्तरीका बिभिन्न बस्तीका सर्वसाधारणको जनजीवन कष्टकर बनेको छ ।
मयनाकरेडी र लोहजाराको भेडिया बस्तीका घरमा गत शनिबार पसेको बाढीको पानी
सुक्न नपाउँदै हिजो बिहानबाट निरन्तर वर्षा भएपछि त्यहाँको जनजीवन कष्टकर
बनेको हो ।
सो क्षेत्रका बासिन्दा अहिले अग्लो स्थानमा बसिरहेको हाम्रा सहकर्मी
अवधेशकुमार झाले जनाएका छन् । निरन्तरको बर्षाले स्थानीय थप त्रसित बनेका
छन् ।
पीडितले ५ दिन वितिसक्दा समेत राहत पाउन नसकेपछि उनीहरुको जनजीवन
अस्तव्यस्त बनेको छ । विशेषगरी बालबालिका, बृद्धबृद्धा तथा गर्भवती महिला
बढी प्रभावित बनेका छन् ।
यसैबीच, बाढीले बिभिन्न स्थानमा भत्काएको बाँधको मर्मत र पुनर्निर्माणका
लागि सुरक्षाकर्मी परिचालन गरिएको छ । महुली नदीको बाँध भत्किएर समस्यामा
परेको मयनाकरेडी र लोहजाराको भेडिया बस्तीलाई जोगाउन आज दिउँसोबाट नेपाली
सेना, सशस्त्र प्रहरी र नेपाल प्रहरी परिचालन गरिएको प्रमुख जिल्ला अधिकारी
कृष्णबहादुर कटुवालले जानकारी दिनुभयो ।
यस्तै, लगातारको बर्षापछि खसेको पहिरोले गएरातिदेखि अवरुद्ध बनेको बेनी
जोमसोम सडकखण्ड अझै संचालनमा आउन सकेको छैन ।
म्याग्दीको अन्नपुर्ण
गाउँपालिका अन्र्तगत मुस्ताङ्गको सिमावर्ती जलथले र नौमुरी भीरबाट पहिरो
खसेपछि सो सडकखण्ड अवरुद्ध भएको हो ।
हिजो बाट लगातार बर्षा भइरहेकाले पहिरो पन्छाउन कठिनाई भएको प्रहरीले
जनाएको छ । उता, कञ्चनपुरमा निरन्तरको बर्षाले डुबानमा परेको महेन्द्रनगर
सहित आसपासका वस्तीमा पानीको बहाव कम हुँदै गएको छ । भीमदत्त नगरपालिकाको
४, ६ र १८ वडाका वस्ती डुबानमा परेका थिए ।
No comments:
Post a Comment