ट्रमा सेन्टरको स्पाइन सेवा
घाँस काट्दा रूखबाट खसेर गम्भीर घाइते बनेकी रुकुमकी सीता बुढामगरले जीवनप्रति आशा मारिसक्नुभएको थियो । दुर्गम ठाउँ, जिल्ला अस्पताल जानै घन्टौं लाग्ने ।छिमेकीको सहयोगमा उहाँलाई उपचारका लागि काठमाडौंको राष्ट्रिय ट्रमा सेन्टर ल्याइयो । सेन्टरको 'स्पाइन युनिट' मा भर्ना गरेको केही दिनमै चिकित्सकले उहाँको भाँचिएको मेरुदण्डको शल्यक्रिया गरे । शल्यक्रियाको एक सातापछि उहाँ उभिनसक्ने हुनुभएको छ । 'मैले त जीवनप्रति नै आस मारिसकेकी थिएँ तर यहाँ आएर उपचार गरेपछि निको भएँ,' सीताले भन्नुभयो ।
घाँस काट्दा रूखबाट खसेर गम्भीर घाइते बनेकी रुकुमकी सीता बुढामगरले जीवनप्रति आशा मारिसक्नुभएको थियो । दुर्गम ठाउँ, जिल्ला अस्पताल जानै घन्टौं लाग्ने ।छिमेकीको सहयोगमा उहाँलाई उपचारका लागि काठमाडौंको राष्ट्रिय ट्रमा सेन्टर ल्याइयो । सेन्टरको 'स्पाइन युनिट' मा भर्ना गरेको केही दिनमै चिकित्सकले उहाँको भाँचिएको मेरुदण्डको शल्यक्रिया गरे । शल्यक्रियाको एक सातापछि उहाँ उभिनसक्ने हुनुभएको छ । 'मैले त जीवनप्रति नै आस मारिसकेकी थिएँ तर यहाँ आएर उपचार गरेपछि निको भएँ,' सीताले भन्नुभयो ।
ट्रमा सेन्टरको 'स्पाइन युनिट' मा पुग्दा
यस्तो भाव नगर्ने सायदै बिरामी भेटिन्छन् । ट्रमाले दुर्घटना, चोटपटक र
विभिन्न संक्रमणका कारण मेरुदण्डसँग सम्बन्धित समस्या बोकेर आएका बिरामीलाई
सस्तो मूल्यमा उपचार सेवा दिइरहेको छ । र, नयाँ जीवन लिएर जाने र उपचारका
लागि आउने बिरामीको संख्या बढ्दै छ । कारण हो, युनिटको सही नेतृत्व, दक्ष
चिकित्सक, अत्याधुनिक उपकरण तथा पूर्वाधारको समुचित व्यवस्था, चुस्त
व्यवस्थापन अनि चिकित्सकमा केही गर्छु भन्ने अठोट ।
ढाडमा नसा च्यापिएकी धरान-६ की यशोधा
चौधरीले सात वर्षसम्म औषधि, थेरापी, झारफुकलगायत अनेकौं विधिको सहारा
लिनुभयो । धरानका दर्जनौं निजी अस्पताल धाउँदा पैसा मात्रै सकियो ।
छोराछोरीको सहयोगमा उहाँ उक्त युनिट आइपुग्दा नयाँ जीवन पाउनुभएको छ ।
'जीवनदेखि हार खाएको थिएँ । उपचार गर्दागर्दै १४ लाख सकिसकेको थियो । यहाँ
अप्रेसनका लागि थोरै पैसा तिर्नुपर्यो तर जीवन बाँच्यो,' मेरुदण्डको
शल्यक्रियापछि चिकित्सकको निगरानीमा रहेकी चौधरीले भन्नुभयो । सीता र यशोदा
मात्र नभई सेन्टरमा सयौं अन्य बिरामी नयाँ जीवन पाएर फर्किएका छन् ।
उक्त युनिटमा हरेक प्रकारका 'स्पाइन
इन्जुरी' को उपचार भइरहेको छ । अस्पतालका स्पाइन सर्जन डा. गौरवराज ढकालका
अनुसार साढे एक वर्षमा एक ६० वटा जटिल शल्यक्रिया भएका छन् । प्राय: सरकारी
अस्पतालका चिकित्सकप्रति बिरामीको गुनासो हुन्छ समय धेरै नपाएकोमा ।
युनिटमा नियमित रूपमा सातामा ५ वटासम्म शल्यक्रिया भइरहेको छ ।
No comments:
Post a Comment