काठमाण्डौ, माघ १८ l
राजधानीको नदी छेउको सुकुम्बासी बस्ती हटाउने सरकारी निर्णयको विरोधमा उत्रिएका सुकुम्बासीहरुले आज राष्ट्रिय मानवअधिकार आयोग र संयुक्त राष्ट्रसंघको नेपालस्थित कार्यालय (पुल्चोक, ललितपुर) मा धर्ना दिँदैछन् । सुकुम्बासी बस्ती हटाउने सरकारी निर्णयको विरोधमा उनीहरुले आज बिहान साढे १० बजे आयोग र यु एनको कार्यालयमा धर्ना दिने कार्यक्रम तय गरेका हुन् । आफूहरुसँग सल्लाह नै नगरी एकाए सरकारले बस्ती हटाउन लागेको र आफूहरुको विचल्लि पार्न खोजेको भन्दै उनीहरुले चरणबद्ध रुपमा आन्दोलन गर्दै आइरहेका छन् । सरकारले आफूहरुसँग वार्ता गरी समस्याको समाधान खोज्नुपर्ने उनीहरुको माग छ ।
हिजोमात्रै उनीहरुले आन्दोलनको चौथो चरणको आन्दोलनका कार्यक्रम सार्वजनिक गरेका थिए । आन्दोलनको विरोधमा उनीहरुले माघ २८ गते नेपाल बन्दको आह्वान समेत गरेका छन् ।
No comments:
Post a Comment