नया बिहानी उदाउने छ

हिमाल चम्केर हासेंन

बादल ढाकेर पानी दर्केन् 

फुले सयौ फुलहरु

फल कतै लागेन

जताततै उजाड छ बस्ती

खुशी कहिँ छाएन

बिरहमा न्याउली

रोइरहेछन् जंगलमा

कोलाहल गर्दै कराइरहेछन्

चराचुरुंगीहरु

आधी आयो ,फोहर उडाएन

बसन्त आयो

नया पालुवा पलाएन |

मीठो आशा नया संबिधानको

जनताको हक , अधिकार र सुनिश्चितताको

आसै आसमा ,निराशा थपियो

शान्ति र सुरक्षा

कोठा भित्रै थुनियो

तेरो मान्छे ,मेरो मान्छे

नेता नेताको दौडमा

बस्तीभरी अत्याचारै , अत्याचार कोरियो

भ्रस्टाचार र अनियमितता रोपियो |

साच्चै तिमीलाई नेता मान्ने हो भने

समाजसेबी र देशका योद्दा मान्ने हो भने

तिमी पबित्र र स्वच्छ बन्न सक्नु पर्छ

निस्वार्थी , बिबेकी बन्ने हिम्मत लिनु पर्दछ

जाल , झेल र तिकडमबाजी छोडी

जनताको आवाज सुन्न सक्नु पर्दछ

गरिब जनताको आशु पुछ्न सक्नुपर्छ

नाताबाद र कृपाबादलाई भुल्रेर

जनताकै साथ हिड्न सक्नु पर्दछ

तिमी ठिक भयौ भने नेता

गाउ र बस्तीमा सुधार आउनेछ

सहर र बजारहरु रमाउने छन्

शान्ति , सदभाब र सुशान्तिले

बिकाशसंगै

नया बिहानी उदाउनेछ

नया जोस र जागर छाउनेछ ||

-----धन्यबाद ---------

डम्बर पौड्याल

हाल कतार