यात्रुबस र ट्रक एकआपसमा ठोक्किदा १५ जनाभन्दा बढी घाइते

धादिङको पेडा गाविसस्थित बेल्खुमा यात्रुबस र ट्रक ठोकिएर दुर्घटना हुँदा १५ जनाभन्दा बढी घाइते भएका छन् । घाइतेमध्ये गम्भीर अवस्थाका ७ जनालाई सशस्त्र प्रहरी गजुरीको टोलीले काठमाडौं ल्याउंदै छ । तीव्र गतिका कारण दुर्घटना भएको प्रहरीले जनाएको छ । बस काठमाडौंबाट कटारी जांदै थियो भने ट्रक नारायणघाटबाट काठमाडौं आउँदै थियो । दुईटै गाडी सडकमा पल्टँदा राजमार्गको यातायात प्रभावित बनेको छ । प्रहरी र स्थानीयवासीको सक्रियतामा राजमार्ग खुलाउने प्रयास भैरहेको छ । अरु घाइतेको गजुरीमा उपचार भैरहेको छ ।