नुवाकोटमा गाउँलेद्धारा सरकारी जग्गा कब्जा

नुवाकोटको विदुर नगरपालिका–६ महारानी डिही स्थित चण्डीपोखरीमा रहेको खम्पाली क्याम्पको सरकारी जग्गा सर्वसाधारणहरुले कब्जा गरेर बसोवास गर्न थालेका छन् । नुवाकोटको किम्ताङ गाउँ विकास समितिका पहिरो पिडितहरु आफुहरुलाई सरकारले सुरक्षित स्थानमा सार्ने घोषणा गरेपनि कार्यान्वयन नगरेको भन्दै गएरातीबाट सरकारी जग्गामा बस्न थालेका हुन् । उक्त जग्गा दुई सय भन्दा बढी परिवारले कब्जा गरेका छन् । गाउँबाट उक्त जग्गामा बसोवास गर्न आउनेहरुको संख्या बढ्दो छ । नुवाकोट जिल्लाको दुर्गम गाविस किम्ताङ्गका वासिन्दाहरु लगातारको पहिरोबाट त्रासमा बाँच्न बाध्य छन् । सर्वसाधारणले कब्जा गरेको जग्गा काठमाण्डौबाट केन्द्रिय कारागार सार्नका लागि प्रस्ताव गरिएको स्थान हो ।