काठमाडौं, माघ १९ (झुम्का डटकम), आज माघ १९ अर्थात् प्रजातान्त्रिक व्यवस्थाको अन्त्यगरी तत्कालीन समयमा पूर्वराजा ज्ञानेन्द्रले शाही सम्बोधन मार्फत शासनसत्ता आफ्नो नियन्त्रणमा लिएको कालोदिन ।
आजभन्दा ७ वर्षअघि २०६१ साल माघ १९ गते आजैका दिन तत्कालीन राजा ज्ञानेन्द्रले प्रजातान्त्रिक व्यवस्थालाई क्रियाशिल तुल्याउने भन्दै ‘राजनैतिक कु’गरी तत्कालीन प्रधानमन्त्री शेरबहादुर देउवालाई अपदस्तगरी आफ्नै अध्यक्षतामा मन्त्रिमण्डलको गठन गरेका थिए ।
संसदीय व्यवस्था अन्र्तगत निर्मित देउवा नेतृत्वको सरकारलाई हटाई प्रत्यक्ष निरंकुश शासन व्यवस्था लादेको भन्दै आजको दिनलाई कालोदिन भन्दै सम्झिने गरिन्छ । दरबार हत्याकाण्ड लगत्तै राजा बन्न पुगेका ज्ञानेन्द्र शाहको यस कदमले जनयुद्ध चलाइरहेको तत्कालीन माओवादी र संसदवादी दलहरुलाई एकजुट बनाइदियो ।
त्यस्तै दलहरु राजाको उक्त प्रत्यक्ष शासनको विरुद्ध एकजुट भए र आन्दोलन चर्किदै गयो । अन्ततः द्धन्द्धरत माओवादी र तत्कालीन सातदलबीच २०६२ मंसिरमा दिल्लीमा १२ बुँदे समझदारी भयो । यही समझदारीको जगमा माओवादीसहित ८ राजनैतिक शक्तिले राजसंस्था विरुद्ध आन्दोलन ग¥यो र संविधानसभाको निर्वाचन हुँदै २ सय ३८ वर्षीय राजसंस्थाको अन्त्य भयो ।
No comments:
Post a Comment