नेपाली कांग्रेस र नेकपा माओवादी केन्द्रका
कार्यकर्ताबीच रुकुमको सानीभेरीमा भएको झडप नियन्त्रण गर्न प्रहरीले दुई
राउण्ड हवाइ फायर गरेको छ । सानीभेरी गाउँपालिकाको वडा नम्बर १ चाइनाबगरमा
दुवै पार्टीका कार्यकर्ताबीच झडप भएको थियो ।
झडपमा परी दुवै तर्फका केही कार्यकर्ता सामान्य घाइते भएका छन् ।
झडपले
उग्र रुप लिन थालेपछि हवाइ फायर गरिएको जिल्ला प्रहरी कार्यालयका प्रहरी
निरीक्षक थम्मनबहादुर रजालीले बताउनुभयो । उहाँकाअनुसार अहिले चाइनाबगरको
अवस्था सामान्य हुँदै गएको छ ।
नेपाली कांग्रेसको तर्फबाट सानीभेरी गाउँपालिका अध्यक्षका उम्मेदवार
गोरखप्रसाद चन्दले चुनावी कार्यक्रममा माओवादी कार्यकर्ताले अवरोध गर्न
खोजेपछि झडप भएको बताउनुभयो ।
माओवादी केन्द्रको तर्फबाट सोही गाउपालिकाको अध्यक्षका उम्मेदवार नरबहादुर
पुनले भने कांग्रेस कार्यकर्ताको कारण झडपको वातावरण बनेको दावी गर्नुभयो ।
तीन दिन अघि नै निर्धारित कार्यक्रममा कांग्रेस कार्यकर्ताले अवरोध गर्न
खोजेपछि झडप भएका उहाँको दावी छ ।
No comments:
Post a Comment