जापानमा अहिले सम्मकै तिव्र गतिको इलिभेटर

जापानी प्रविधि कम्पनी हिताचीले सबैभन्दा तिव्र गतिको इलिभेटरको विकास गरेको छ । प्रति घण्टा ७५ किलोमिटरको गतिमा चल्ने उक्त इलिभेटर एक मिनेटमै १२ सय ६० मिटर चल्दछ । चीनको ग्वांजाउस्थित सिटिएफ फाइनान्स सेन्टरस्थित ५ सय ३० मिटर अग्लो गगनचुम्बी भवनमा जडान गरी यो इलिभेटरको परीक्षण गरिएको छ । त्यसक्रममा यो उल्लेखित गतिमा चलेको थियो ।

गत मे महिनामा यसको परीक्षण जडान गरिएकोमा अहिले उक्त गगनचुम्बी भवनमा यो इलिभेटरको अन्तिम जडान गरिँदैछ । कम्पनीका अनुसार गगनचुम्बी भवनमा पूर्णरुपमा जडान गरेसँगै यो इलिभेटरमा अझै बढि गति प्राप्त हुनुका साथै कन्ट्रोल युनिटहरु तथा सेफ्टी डिभाइसहरु समेत परिस्किृत रहनेछन् ।

चीनमा इलिभेटरको गति, गुणस्तर तथा सुरक्षाको प्रमाणिकरण गर्ने सार्वजनिक संस्था नेसनल इलिभेटर क्वालिटी सुपरभिजनले यसलार्य अहिलेसम्मकै तिव्र गतिको इलिभेटरको रुपमा प्रमाणित गरिसकेको छ । यो इलिभेटरको अधिकतम गति ७५ किलोमिटर प्रतिघण्टा रहेतापनि यसलाई ग्वान्जाउको उक्त गगनचुम्बी महलमा ७२ किलोमिटर प्रतिघण्टाको गतिमा मात्र चलाइनेछ । 

यो सँगै विश्वका टप टेन हाइ स्पिड इलिभेटरमध्ये ५ वटा चीनमै हुनेछन् । विश्वका टपटेन उच्च गतिका इलिभेटर निम्नानुसार रहेका छन् ।

१. सिटिसी फाइनान्स सेन्टर, ग्वान्जाउ, चीन – ७५.६ किलोमिटर प्रति घण्टा

२. सांघाइ टावर, चीन – ६९ किलोमिटर प्रति घण्टा

३. ताइपेइ १०१, ताइवान – ६१ किलोमिटर प्रतिघण्टा

४. योकोहामा ल्याण्डमार्क्र टावर, जापान – ४५ किलोमिटर प्रतिघण्टा

५. बुर्ज खालिफा, दुबई, युएइ – ३५ किलोमिटर प्रतिघण्टा
६. सनसाइन ६० बिल्डिङ, टोक्यो जापान – ३५ किलोमिटर प्रतिघण्टा

७. सांघाइ वल्र्ड फाइनान्स सेन्टर, चीन – ३५ किलोमिटर प्रतिघण्टा

८. चाइना वल्र्ड ट्रेड सेन्टर टावर तेश्रो, बेइजिङ, चीन – ३५ किलोमिटर प्रतिघण्टा

९. जोन ह्यान्कक सेन्टर, शिकागो, अमेरिका – ३३ किलोमिटर प्रतिघण्टा

१०. जिन माओ टावार, सांघाइ चीन – ३२ किलोमिटर प्रतिघण्टा